Lugadan an tulong persona mantang dismayado an lima pa matapos mahulog sa truck alas otso kasubanggi, Abril 1, sa Sitio Caladgao, Barangay Buraburan, Juban, Sorsogon.
Segun sa impormasyon, nahulog an mga jovenes mantang nagliliko an truck sa sarong kurbadang portion kan kalsada nin huli ta mahihiro suboot an mga ini. Haleng Casiguran asin Juban an truck na nagsundo sa nagkapirang kabataan na makikibayle kuta sa Barangay Carriedo, Irosin, Sorsogon.
Segun man sa organizer kan pabayle, tulos man sindang nagpasiring sa ospital tanganing asikasuhon an kamugtakan kan mga nairido. Naghali man subuot an driver kan truck kan mangyari an insidente dahilan sa takot na makuyog ini sa lugar alagad bako suboot totoo na nagdulag ini nin huli ta binalikan man kan driver an iba tangani na ihatod pabalik.
Sa presente, nasa maray na kamugtakan na an mga biktima asin padagos nang nagpaparahay. I via Joey Galicio
![Mga makikibayleng jovenes nahulog sa truck sa Sorsogon, 3 lugadan 1 IMG 7971](https://bicoldotph.com/wp-content/uploads/2023/04/IMG_7971.jpg)
![Mga makikibayleng jovenes nahulog sa truck sa Sorsogon, 3 lugadan 2 IMG 7972](https://bicoldotph.com/wp-content/uploads/2023/04/IMG_7972-768x1024.jpg)