Sarong singko (5) anyos na aking lalaki an nalunod mantang nagkakarigos sa sarong salog kan Domingo, Abril 16, 2023 sa Esmerada, Pilar, Sorsogon.
Segun kay Mariano Medenilla na ama kan biktima, poco mas o menos alas 10 nin aga kan Domingo kan maghali an singko anyos na si Junie Medenilla sa saindang harong para magkarigos kaibanan ang mga kapamilya.
Alagad dai namalisyahan kan mga kaibanan kan aki na nawawara na palan ini. Nakua na sana ang dai nang buhay na biktima alas dos nin pagkahapon sa gilid kan salog.
Dae naman naipaabot pa sa hepatura kan Pilar Municipal Police Station maging sa Pilar MDRRRMO ang nasambit na insidente.
Sa presente, nakaburol na ang biktima sa harong kan saiyang matu-ang tugang sa nasambit na barangay. | via Joey Galicio
Photo: Angelica Medenilla