Arestado an 19 anyos na lalake na residente kan Barcelona Sorsogon matapos na dai makapagpahiling nin maninigong dokumento sa dara-dara kaining badil.
Sa report kan pulisya, nagresponde suboot an Sorsogon City PNP sa sarong bar sa Barangay Macabog, Sorsogon City alas 8:15 nin banggi kan Abril 2 matapos makaresibe nin report na may sarong lalakeng may sukbit nin badil.
Nakua sa suspek an sarong (1) holster, sarong (1) kalibre 38 asin tulong (3) bala, alagad dai ini nin naipahiling na papeles.
Napag-araman pa na nagpapanggap ini na miyembro kan Philippine National Police Academy (PNPA) gamit an Facebook Account na Arman Serilla. I Joey Galicio
