Sarong bagong mundag na aking lalake an nakua pasado alas singko kasuudmang aga, Disyembre 30 sa Barangay G. Del Pilar, Bulan, Sorsogon.
Segun kay Johncliford Groyon na nakahiling kan umboy, nag-agi siya sa lugar kan mapansin niya na may nakapatong sa sarong food stall. Sa enot pighuna niya na pagkakan ini na nakapatos sa duwang tamong. Alagad kan pigranihan niya ini, buminungad saiya ang bag-ong mundag na aking lalaki asin igwa pa nin pusod (umbilical cord).
Matapos na mahiling kan iba pang mga residente an aki, uminabot an duwang miyembro kan Kabalikat asin kinuha an umboy para darahon sa ospital nin huli ta may mga dugo pa ini sa lawas.
Sa presente, nasa pangangataman na kan DSWD ang nasambit na aki. Padagos man an imbestigasyon kan mga otoridad para maisihan an nagwalat asin an posibleng magurang kan nasambit na aki. I via Joey Galicio
Photos: Reine Gracela