Natuparan na pasado alas syete ngonyan na aga, Disyembre 28 sa Barangay Resurreccion, San Fernando, Masbate ang bangkay kan 19 anyos na lalaking nawawara sa Barangay San Rafael, Sta. Magdalena, Sorsogon.
Sa report kan San Fernando Municipal Police Station, may ipigreport sa saindang hepatura na may natuparan na bangkay nin sarong lalaki na nakasul-ot nin dirty white shirt asin itom na brief.
Pigkumpirmar man kan kapamilya kan biktima na an bangkay iyo an lawas ni Geover Gaviño, 19 anyos na taga San Pedro, Irosin. Nakumpirmar ninda ini nin huli sa body built, t-shirt asin sulog na brief.
Disyembre 23 kan mapabaretang nawawara an nasambit na persona makalihis na magkararigos sa dagat na sakop kan Barangay San Rafael sa Sta. Magdalena.
Sa presente, pasiring naman sa San Fernando sa Masbate ang mga paryentes ni Gaviño. I via Joey Galicio