Sarong lalaki an gadan makalihis makaengkwentro kan mga otoridad pasado alas 8:15 ngonyan na aga, Nobyembre 16, sa Purok 4 Brgy. Tigbao, Casiguran, Sorsogon.
Binisto an nagadan na si Cesar G. Groyon Jr, nasa tamang edad asin residente kan Barangay Cawit, Casiguran, Sorsogon.
Segun sa impormasyon, maserbi kuta nin warrant of arrest an mga otoridad sa sarong alyas “Karen” asin duwa pang ibang kaiba kaini sa nasabing lugar kan makaengkwentro kan pinagbiyong pwersa kan RID, 1st PMFC asin Casiguran MPS an nasambit na mga persona. Makalihis an pirang minuto na palitan nin putok, tuminambad sa mga otoridad an gadan na lawas ni Groyon.
Mientrastanto, habang pinagsasagibo an inspeksyon sa lugar, nakuha an badil na ginamit asin granada na nak laog sa bag ni Groyon. Matapos na masiguro na dae maputok an granada, pig-inspeksyon an laog kan bag asin nakua pa digdi an duwang magazine min badil, mga personal na dokumento asin pinagtutubudang shabu na nakalaog sa limang sadit na transparent plastic sachet.
Napag-araman na dati nang nasangkot si Groyon sa droga. I via Joey Galicio
Photo by Joey Galicio