Matapos an labi duwang taon, bubuksan na sa publiko an Saint John the Baptist Parish sa syudad nin Tabaco.
Sa Nobyembre 26 na iyo man an First Sunday of Advent, liwat na magagamit an simbahan na naraot durante kan bagyong Rolly. Natuklap an bubong kan simbahan sa kasagsagan kan nasabing bagyo kan Nobyembre 1, 2020 matapos na maraot an mayor na pintuan kaini mantang may mga evacuee sa laog kan simbahan.
Labi duwang taon man an ginibong pagpapakarhay kan simbahan kun sain kadakul na mga organisasyon asin mga inidibidwal an nagtarabang tangani na makaguno nin pondo nin huli ta dakulang kantidad an kinaipuhan sa renovation kan simbahan.
Sa ngonyan, nagpuon na an Brigada Parokya sa paglinig kan simbahan para sa pagbubukas kaini. Uru-aldaw hasta sa Nobyembre 25 nangangaipo nin volunteers puon alas siete nin aga.
Sarong halipot na programa an gigibuhon sa Nobyembre 26 sa Christ the King Plaza na susundan nin banal na misa alas sais nin banggi sa laog kan Saint John the Baptist Parish Tabaco.
