Gadan an sarong lalaki makalihis ining pagsasaksakon pasado alas 9:45 nin banggi kan Sabado, Abril 22 sa Barangay Alcala, Daraga, Albay.
Binisto na biktima na si Domingo Seba, residente kan Purok 3 Bañadero, Daraga mantang kan suspek iyo an residente man kan Purok 5 ,Kilicao, Daraga.
Segun kay PLT Ma. Isabel Nopia, PIO kan Daraga Municpal Police Station, may haloy nang iwal an biktima asin suspek dahilan kan selos hasta sa mangyari an insidente sa luwas kan covered court kan Alcala, Daraga mantang igwa nin pabayle.
Nagsuprir nin tama sa lawas an biktima na nagresulta sa tulos kaining pagkagadan. Boluntaryo man na suminuko an suspek sa Daraga MPS.
Pighahanda na kan Daraga MPS an kasong isasangat sa suspek. I Joey Galicio