Diit pang malunod an siete (7) anyos na aking lalaki mantang nagkakarigos sa sarong beach resort sa Sitio Balite, Barangay Bagalayag, Castilla, Sorsogon pasado alas onse ngonyan na aga, Abril 8.
Segun sa impormasyon, nagsosolong nagkakarigos sa lugar an aking lalaki na residente man kan nasambit na barangay kan mahiling na sana kan nagkapirang residente na nalullunod na ini.
Tulos man na nakahagad asistensya sa mga miyembro kan Philippine Coast Guard asin marikas ining naisalbar. Pigtawan man ini nin cardiopulmonary resuscitation (CPR) kan duwang personahes kan PCG na sinda PO3 Pancho R Neri Jr asin CG ASN Reniel M Manalo na nakadetalye sa PCG Castilla Sub-Station, antes na makahagad asistensya sa Castilla Municipal Disaster Risk Reduction and Management Office tangani na maidara sa ospital ang biktima.
Sa presente ,nagpaparahay na sa Castilla District Hospital an nasambit na aki. | via Joey Galicio
Photos: PCG Castilla Sub-station