Dai na nin buhay an sarong lalaki kan matuparan alas 3:30 nin hapon kan Biyernes, Marso 31 sa kadagatang sakop kan Barangay Bagacay, Gubat, Sorsogon.
Binisto an biktima na si Miguel Espinol, 31 anyos, sarong construction worker asin residente kan Brgy Cabigaan, Gubat, Sorsogon.
Segun sa mga otoridad, nagpaaram suboot ini alas singko nin hapon kan Huwebes, Marso 30, na malawod nin banggi pero dae na ini nakauli. Huri ining nahiling kan nagkaperang mga parasira na nasa may parte kan sarong fishing ground na pig-aapod na Nabat-an asin sakop kan Barangay Bagacay, Gubat.
Matapos maresibe an report na nawawara an nasambit na persona, nagsagibo nin Search and Rescue ang mga personahe kan MDRRMO Gubat asin digdi na natuparan an dai nang buhay na lawas kan biktima.
Nagsayuma naman an pamilya na ipasairarom pa sa post mortem examination an lawas kan biktima nin huli ta nagtutubod sinda na nagadan an saindang paryente sa pagkalunod. |via Joey Galicio
Photo: Sorsogon PPO