Sarong kasulo an nairehistro sa Agoho Street, Barangay Luneta, Barcelona, Sorsogon pasado alas 7:45 kasubanggi, Marso 12.
Sa report kan BFP Barcelona, nagpuon an kasulo sa sarong harong sa Luneta, Barcelona poco mas o menos alas 7:45 nin banggi asin pasado alas 10:15 nin banggi kan makontrol an kalayo.
Nagpuon suboot an kasulo sa basura na sinulo na pangpaaso kuta na sa tangkalan na pagsadiri kan sarong Antonia Evasco.
Pigdeklara kan BFP Barcelona an fire out poco mas o menos alas 10:30 nin banggi. Nasulo an tangkal asin an parte kan kusina kan harong na pigkakarkulong maabot sa 50 mil pesos an danyos o structural damage.
Dai man nin nakulugan asin nadamay pang ibang harong sa nasambit na insidente. | via Joey Galicio
Photo: MDRRMO Barcelona