SORSOGON CITY- Muling magtatagisan sa entablado ng e-sports ang mga premyadong koponan para sa Season 11 kampeyonato ng Mobile Legends: Bang Bang Professional League – Philippines (MPL-PH).
Habang nagaganap ang pag-domina ng dalawang koponang pinoy sa grand finals ng world stage noong nakaraang M4 World Championship, naghahanda na rin ang bawat management ng mga teams upang ma-finalize ang kani-kanilang mga ihahain sa Season 11 ng MPL-PH.
Una nang naglabas ang BREN Esports ng kanilang roster, kampeyon ng M2 Worlds, kung saan pinagbibidahan pa rin ng mga dating players. Sila ay nakatungtong ng playoffs noong Season 10 bago maihayag na 4th place. Pinangungunahan ito ng team captain na si Angelo “Pheww” Arcangel (Mid Laner) na beterano na sa liga, David “FlapTzy” Canon (EXP Laner), Kyle Angelo “KyleTzy” Sayson (Jungler), Marco “Super Marco” Requitano (Gold laner), Rowgien Stimpson “Owgwen” Unigo (Roamer) at substitute na si Vincent “Pandora” Unigo (EXP Laner). Si Francis Glindro a.k.a. Coach Duckey pa rin ang head coach ng koponan at tutulungan naman ng assistant coach na si Vrendon “Vren” Lin.
Ang back-to-back runner-up finishes naman ng Smart Omega ang nagdala sa kanila ng bago nilang roster na binubuo nina Duane “Kelra” Pillas (Gold laner), Renz “Renzio” Cadua (EXP Laner), Dean Christian “Raizen” Sumagui (Jungler), Deomark “Mikko” Tabangay (Roamer), Louis Gabriel “Louis” Ariola (EXP Laner), at ang galing sa BREN Esports na si Dale “Stowm” Vidor (Mid Laner). Binubuo naman ang coaching staff nina Tony “Ynot” Serendrin (Head Coach), Jomie “Pakbet” Abalos ( Assistant coach/Drafter) at ng Technical Coach na si Patrick “E2MAX” Caidic.
Resurgence Philippines o RSG PH, Season 9 Champs at MLBB Southeast Asia Cup (MSC) 2022, o mas kilala sa bansag na “Kings of SEA” ay naglahad na rin ng kanilang linyada para sa paparating na season. Ang koponan ay binubuo nina Dylan “Light” Catipon (Roamer), Eman “EMANN” Sangco (Gold laner), Nathanael “Nathzz” Estrologo (EXP Laner), Dexter “Exort” Martinez (Mid-support), Salvick “Kouzen” Tolarba (Gold laner), Jann Kirk “Kirk” Gutierrez (EXP Laner), at ang dating jungler ng Nexplay Evos na si John Paul “H2wo” Salonga (Jungler). Binubuo naman ang coaching staff nina Head coach Brian “Panda” Lim, Karl “Giee” Barrientos (Assistant coach) at John Theo Eusebio (Assistant coach).
Ang ONIC PH naman na binubuo ng players mula sa noo’y amateur squad na Monster Anarchy ay nakipagdikdikan sa mga beterano ng liga noong Season 10 ngunit sa huli ay kinapos sila sa play-offs at na-secure ang 5th-6th place. Binubuo nina Nowee “Ryota” Macasa (EXP Laner), Frince Miguel “SUPER FRINCE” Ramirez (Mid laner), Stephen “Sensui” Castillo (Jungler), Kenneth “Netskie” Barro (Gold laner), Landher “Der” San Gabriel (EXP Laner), Jefferdson “Kekedot” Mogol (Roamer) at ang mula sa Nexplay EVOS na si Archie “Pancake Gaming” Guevarra Jr. (Roamer). Pagtutulungan naman nina Coach Kevin “Bluffzy” Reyes at Coach Lyrick ang pagtutok sa drafting at coaching ng mga players.
Namaalam naman ang halos lahat ng players ng Nexplay EVOS matapos ang sunod-sunod na talo sa MPL-PH Season 10. Mula sa players ng Elite Squad ng rank game na Minana Esports, nag-rebrand ang koponan at kinuha ang nag-iisang player ng NXP Evos na si Jeniel “YellyHaze” Bata-anon (Mid laner) kaya’t ito ay tinawag na Nexplay Minana. Binubuo ito ng mga rookie na sina Bien “BoyetDR” Chumacera (Jungler), Christian “GoyongDR” Martinez (Mid laner), Jan Domenic “DomengDR“ Del Mundo (Gold laner), Borris James “BruskoDR” Parro (Roamer) at Danver “DingDR” Canja (EXP Laner). Binubuo naman ang coaching staff nina Minana Head Coach Joshua Alfaro at Assistant Coach Jayson Navarro Casidsid.
Ang TNC Pro Team naman ay nananatiling solido sa kanilang 10-man roster line-up na siyang nagdala sa kanila sa magkasunod na magandang season run noong Season 9 at 10. Binubuo nina Ben “Benthings” Maglaque (Roamer), Joemarie “Escalera” Delos Santos (Roamer), Mark “Kramm” Rustana (EXP Laner), Robee Bryan “Ninjakilla” Pormocille (Gold Laner), Kenneth “Saxa” Fedelin (Jungler), King Cyric “K1NGKONG” Perez (Jungler), Jetson “Goyo” Ignacio (Mid laner), Kristofer Malcus “Hesu” Calderon (EXP Laner), John Vincent “Innocent” Banal (Gold laner) at Jayson “Riku” Alupit (Mid Laner). Binubuo naman ang coaching staff nina Assistant coach Jemson “Scholar” Ignacio, Assistant coach Jaypee “Right” Lugtu at Head Coach Laurenz “Lift” Ruiz.
Ang V33Wise duo naman nina Johnmar “OhMyV33NUS” Villaluna at Danerie “Wise” Del Rosario na nagpasikat ng Ultimate Bonding Experience (UBE) ay mananatili sa koponan ng Blacklist International matapos ang sunod-sunod na kampeyonato at achievements ng team BLCK noong mga nakaraang Season. Gamit ang parehong line-up na 1st Runner-up sa M4 World kontra sa same blood team na ECHO, binubuo naman ang line-up nina Edward “EDWARD” Dapadap (EXP Lane), Jomari David “Archer” Perez (Gold laner), Kenneth Carl “Yue” Tadeo (Mid laner), Jon Redick “Super Red” Bordeos (Gold laner) at ng EXP Laner mula sa Nexplay EVOS na si Renejay “RENEJAY” Barcase. Ang dating drafter ng BLCK na si Aniel “MasterTheBasics” Jiandani ang ngayon ay Head coach na at tutulungan naman ito ni Assistant Coach Dexter “DEX STAR” Alaba.
Ang pagpasok naman ng ECHO sa MPL Season 11 bilang itinanghal na kampeyon ng buong mundo sa ginanap na M4 World Championship noong Dec-Jan 2023 ay isang malaking salik sa mga magaganap na bakbakan. Ang 5-man line-up ay hindi natibag na binubuo nina Alston “Sanji” Pabico (Mid laner), Tristan “Yawi” Cabrera (Roamer), Benedict “Bennyqt” Gonzales (Gold laner), Sanford “Sanford” Vinuya (EXP Laner) at ng two-time world champion Karl “KarlTzy” Nepomuceno (Jungler). Pagtutulungan naman nina Head coach Archie “TicTac” Reyes at Assistant coach Robert “Trebor” Sanchez ang pagtuturo sa mga bata.
Handa at pulido na ang mga koponan sa paparating na Season 11. Ating abangan ang mga ihahain na stratehiya, teknik, at makabagong style ng paglalaro ng Mobile Legends: Bang Bang Professional League Philippines Season 11 (MPL PH Season 11). I via Ralph Kevin Balaguer
Artcard by Job Baeza