Ligtas an driver asin siyam na pasahero kan sarong pribadong sasakyan na naaksidente alas dos nin hapon kan Huwebes, Enero 5, 2022 sa Barangay Bolos, Irosin, Sorsogon.
Segun sa Irosin PNP, gikan sa National Capital Region ang sasakyan na pasiring kuta na sa Matnog Port sa Sorsogon para magsakay sa barko. Pasiring kuta sa Northern Samar ang magkakapamilya na sakay kan sasakyan na pinagmamaneho ni Joel Busayong Namo, 49 anyos na residente kan Hagonoy, Davao Del Sur.
Pag-abot sa lugar kan pinangyarihan kan insidente, nawaraan suboot nin kontrol an driver kan sasakyan na nagresulta sa pagkahulog kaini sa kabas-an sa nasambit na Lugar.
Tulos man na nagresponde ag mga personahes kan Irosin MPS, MDRRMO Irosin, MDRRMO Juban asin SPDRRMO Irosin para madara sa Irosin District Hospital ang apat na pasahero kan sasakyan na nagsapo nin minor injuries sa lawas.
Naraot man an enotan na parte kan behikulo mantang dai man nin nadamay o nakulugan pang iba sa nasambit na insidente. | via Joey Galicio
Photo: Jeric Dollesin Guda | MDRRMO Irosin