Gadan na kan makua kan mga otoridad an siete (7) anyos na aking lalaki matapos na malunod sa salog pasado alas 7:30 nin aga kan Huwebes, Enero 5, 2023 sa Barangay Tabi, Gubat, Sorsogon.
Sa report kan Gubat Municipal Police Station, nagkakawat subuot an 7 anyos na aking lalaki sa likod kan saindang harong na harani sa salog sa Barangay Tabi, Gubat, Sorsogon. Kan magpasiring sa likod an magurang kan aki, wara na subuot an aki asin tsinelas na sana ang nahiling sa lugar.
Matapos na maireport na nawawara ang aki, tulos na nagkundukta an mga miyembro kan Gubat Municipal Disaster Risk Reduction and Management Office nin Search and Retrieval Operation sa tabang kan nagkaperang residente asin pulis kan Gubat Municipal Police Station.
Makalihis an halos pirang oras na paghahanap sa aki, nakua ining wara nang buhay pasado alas 10:30 nin pagkaaga sa Barangay Ariman sa parehong banwaan harani sa bukana pasiring sa dagat na sakop kan banwaan nin Gubat. I via Joey Galicio
Photos: Tambod Ph