Dead on the spot an sarong 48 anyos na lalaki matapos pagbabadilon pasado alas 7:20 kasubanggi, Disyembre 29, sa Barangay Sta. Cruz, Casiguran, Sorsogon.
Binisto an biktima na si Fernando Sarmiento na residente kan nasambit na lugar.
Susog sa impormasyon, nasa sarong lamayan ang biktima sa nasambit na barangay asin nakikipag-inuman kaiba an saiyang mga amigo kan biglang uminabot an dae mababa sa duwang (2) mga persona asin bigla na sanang pinagbabadil an biktima.
Nagsusprer nin apat (4) na tama nin bala sa lawas an biktima na tulos kaining ikinagadan.
Sa presente, pinag-iimbistigaran pa kan mga otoridad an nasambit na insidente. I via Joey Galicio
![Lalaki, gadan matapos badilon mantang nasa lamay sa Sorsogon 1 IMG 5915](https://bicoldotph.com/wp-content/uploads/2022/12/IMG_5915-768x1024.jpg)
![Lalaki, gadan matapos badilon mantang nasa lamay sa Sorsogon 2 IMG 5916](https://bicoldotph.com/wp-content/uploads/2022/12/IMG_5916-768x1024.jpg)