Nanotaran an nagkapirang aksidente sa ginibong Motor Adventure sa probinsiya kan Sorsogon kan nakaaging Oktubre 23, 2022. An Motoad iyo an pinartisiparan kan mga riders gikan sa katorseng banwaan kan probinsya.
Sarong sibilyan an nadamay sa aksidente sa Brgy. Basud, Sorsogon City asin dagos nang binawian nin buhay kasuudma.
Nin huli kaini, nagpasar nin resolusyon si 1st District Board Member Ed Atutubo tanganing maiwasan na an mga siring na insidente.
Durante kan sesyon regular kan Sangguniang Panlalawigan kasuudma, ipigpasar ni Atutubo an resolusyon na magkaigwa nin ordinansa na magiya sa mga masunod na motor adventure tanganing maprotihiran an mga kabale sa aktibidad.
Saiya man na pighagad na imbestigaran an mga nangyaring aksidente dahilan kan ginibong Motoad kan Dominggo. l via Joey Galicio
Photo: Pitik ng Rheider