Nabisto na an lalakeng nakuang gadan na nakasakay sa sarong bangka harani sa San Bernardino Light House sa Bulusan, Sorsogon kan Oktubre 18.
An kapitan mismo kan Barangay Royroy, Batuan, Masbate an nagkumpirmar na residente ninda an 45 anyos na pigbistong si Dominador Cardinno.
An nasambit na bangkay iyo an nakua sa banwaan nin Bulusan asin dinara kan duwang parasira sa banwaan nin Matnog.
Sa intrevista kan Pasalingaya FM kay Punong Barangay Bonifacio Calinawan kan Barangay Royroy sa Batuan, nakidapit pa an biktima kan Oktubre 15 sa nagadan man kaining partidaryo. Kinaagahan, nag-inom subuot ini asin pauli na kan may inagihan sa may baybayon kan saindang lugar asin digdi may pig-ayos na sakayan o an bangka kun sain sya natuparan.
Posibleng nangiturog an biktima dahil sa kabuyungan asin dai na kaini namalayan na inanod na an bangka. Duda pa kan kapitan, posible man na inatake suboot nin high blood an biktima asin dagos nang inanod an bangka pasiring sa lawod na nakaabot sa kadagatan na sakop kan Bulusan.
Kinua naman kan mga kapamilya an bangkay kan biktima. l via Joey Galicio
Photos: Darrel Jun Buena