Pupunan nin sarong banal na misa na gigibuhon sa Gibalon Shrine sa Brgy. Siuton, Magallanes, Sorsogon an selebrasyon kan Kasanggayahan Festival 2022.
Tema kan festival iyo an “Sa Progresibong Sorsogon, Una ang Sorsoganon”.
An nasambit na misa iyo an parte kan ika-453 Annual Concelebrated Mass bilang pagrumdom naman kan pagpuon kan kristiyanismo sa Luzon.
Pagkatapos kan misa sa Magallanes, susundan ini nin programa para iselebrar an ika-128 foundation kan probinsya nin Sorsogon. Isasagibo an “Barrio Fiesta sa Kapitolyo” kun sain may mga libreng pagkaon. Magkakaigwa man nin bahay kubo competition na piglalaoman na papartisiparan kan mga manlaen laen na sektor kan probinsya.
Sarong konsyerto man an gigibuhon pagkabanggi sa Capitol Grounds kaiba an mga artist haleng Metro Manila na sinda Zack Tabudlo, Kyla, Erik Santos asin ang mga bandang Cueshe nan Chocolate Factory. l via Joey Galicio
Photos: Bobby Gigantone, Sorsogon 101, Mitch Topacio, Angel Ayala
