Pig-iimbistigaran pa an pananaga sa sarong 40 anyos na lalaki bandang alas 10:30 nin banggi kan Miyerkules, Pebrero 22, 2023 sa Barangay Tugas, Matnog, Sorsogon.
Binisto ang biktima na si Sandino Goyola, sarong coco farmer na residente kan nasabing lugar.
Segun sa Matnog Municipal Police, hali ang biktima sa pakikipag-inuman sa harong kan saiyang aki. Kan pauli na an biktima mantang naglalakaw pirang metro hali sa harong kan saiyang aki, bigla na sana suboot ining pinagtataga kan dae nabistong suspetsado.
Nagsapar nin lugad sa kamot, likod asin iba pang parte kan hawak an biktima na idinalagan man sa Matnog Medicare Hospital alagad pigdeklara ining dead on arrival.
Tulos man na duminulag an mga suspetsado sa dai maaraman na direksiyon. I via Joey Galicio