Gadan ang duwang miyembro kan Philippine Army makalihis na pagbabadilon kan dai nabistong mga suspetsado pasado alas siete nin aga ngonyan na Lunes, Pebrero 20, sa Purok 3, Barangay Cotmon, Camalig, Albay.
Pigbisto an mga biktima na sinda Private First Class Mark June Esico kan Bacon District, Sorsogon City asin Private John Paul Adcolin, na pareho asin aktibong miyembro kan AFP na nakadestino sa Barangay Solong kan nasambit na Lugar.
Segun sa Camalig Municipal Police, namamakal sa plaza sa nasambit na lugar an mga biktima kan bigla na sana an mga ini na pinagbabadil kan duwang suspek na dai nabisto. Nagbalo pa suboot na magdulag an saro sa mga biktima maski may tama na alagad binadil pa ini kan saro pang suspek hasta sa mahulog sa kanal dangan binadil naman an saro pang militar na nahulog man sa kanal.
Tulos man na duminulag an mga suspek pasiring sa Barangay Del Rosario sa nasambit na lugar. Nakua sa pinangyarihan ang sampulong (10) pidaso nin fired cartridge cases (FCC) asin apat (4) na pidaso nin live ammunition na gabos hali sa kalibre 45.
Sa pahayag man kan Santos Binamira Command kan News People’s Army, inako ninda an pambabadil gadan sa duwang miembro kan 31st Infantry Battalion, Philippine Army. I via Joey Galicio
