Nagbanggaan an sarong pampasaherong jeep asin sarong truck alas 7:00 ngonyan na banggi nin Huwebes, Pebrero 9, sa kahalabaan kan L. De Jesus Street sa Barangay Central, Casiguran, Sorsogon.
Segun sa impormasyon, gikan sa Sorsogon City an pampasaherong jeep asin pasiring kuta na sa plaza kan Casiguran na pinagmamaneho kan sarong Domingo Hernadezo mantang gikan man sa pier kan Casiguran an truck na pinagmamaneho kan sarong Garry Garcia.
Sa kusog kan banggaan, parehong may mayor na danyos an enotan na parte kan mga imbueltong behikulo. Irido man an saro sa mga pasahero kan jeep na nakatukaw sa enotan. Tulos man na nagresponde an mga personahe kan Casiguran MDRRMO asin dinara an biktima sa pinakaharaning ospital.
Nasa kustodiya kan Casiguran Municipal Police Station an duwang driver kan nasambit na mga behikulo para sa tamang dokumentasyon. I via Joey Galicio
