Nabisto na ang pagkakakilanlan kan sarong bangkay nin lalaking nakua pasado alas 12:40 nin udto ngonyan na Lunes, Enero 30, sa Sitio Juag , Brgy. Calintaan, Matnog, Sorsogon.
Binisto ining si Jerry Candia, 38 anyos asin residente kan Barangay Cogon, Bulusan, Sorsogon.
Kinumpirmar mismo kan mga kapamilya kan biktima na ang nakuang bangkay iyo an saindang kapamilya na nawawara puon pa kan Enero 28 sa kadagatan na sakop kan Bulusan, Sorsogon.
Nakumpirmar ini dahilan kan sul-ot na green long sleeve kan biktima, segun kay Marcky Ragasa, pamayo kan Bulusan Municipal Disaster Risk Reduction and Management Office.
Segun sa impormasyon, alas kuwatro nin maagahon kan Enero 28 kan magpasiring sa dagat sa Barangay Cogon, Bulusan an nasambit na persona kaiba an duwa pang persona tangani na hilingon kun igwa na nin dakop an saindang ibinugtak na gamit sa pansira. Alagad inanod an bitkima mantang nakaligtas an duwang kaibanan kaini na iyo an nagpaabot kan report sa mga otoridad. I Joey Galicio
Photos: Jessica Sabawil, Matnog Tambayan