Gadan an sarong miyembro kan CAFGU sa nangyaring engkwentro sa pag-ultanan kan tropa kan Gobyerno asin mga pigtutubudang miyembro kan New People’s Army (NPA) kan Dominggo, Enero 15, sa Barangay Calmayon, Juban, Sorsogon.
Susog sa impormasyon, pasado alas onse nin banggi kan mangyari an engkwentro na nagresulta sa pagkagadan kan sarong membro kan CAFGU asin pagkalugad kan saro pang CAFGU asin saro man na soldado.
Nagsagibo nin clearing operations kinaagahan an mga miembro kan Philippine Army asin nagpaluwas man nin Executive Order an LGU Juban (sa pamamayo ni Juban Mayor Gloria Alindogan) nin suspension kan klase sa lugar.
Nakua sa pinangyarihan an tolong (3) landmine, saro (1) na improvised grenade, mga upper part kan M16, cellphones asin personal na mga kagamitan kan mga rebelde. I via Joey Galicio
