Padagos ngonyan an Search and Retrieval Operation kan mga awtoridad sa sarong 19 anyos na solterong nalunod sa dagat sa San Rafael, Sta. Magdalena, Sorsogon poco mas o menos alas 8:30 nin pagkaaga ngonyan na aldaw, Disyembre 23.
Pigbisto an soltero na si Geover Gaviño, 19 anyos asin residente kan Brgy. San Pedro, Irosin, Sorsogon.
Sa report kan Sta. Magdalena MPS, nagkakarigos an biktima kaibanan an saiyang mga barkada hasta sa nawawara na ini kan pighahanap kan saiyang mga pag-iriba.
Tulos na nagkundukta nin Search and Retrieval Operation an MDRRMO Sta. Magdalena kaibanan an mga miyembros kan BFP, Sta. Magdalena MPS asin Philippine Coast Guard sa Lugar.
Nakipagkoordinar naman an mga awtoridad sa mga kataid na lugar kan Sta. Magdalena nin huli ta posibleng mapadpad ang biktima sa kataid na banwaan. I via Joey Galicio
Photos: Sta. Magdalena MPS | Celeste Dioneda